1Inventoire fait par moy Jehan Prestet jure de la court de la maierie de Diion le lundi avant la Saint Mathey appostre l’an mil IIII^c et ung des biens demorez du decez de feu Girardin de Renanes dit Tetard ovrier de bras et Geliote sa femme nagueres trespassez puiz III sepmenes en ca, au proufit de leurs hoirs et en especial d’un filz d’icelle Geliote demorant a Paris ou de ceulx qu’il appartiend, presens Joffroy Coursson, Perrenot le Folet d’Auxerre et Jehan de Talement costurier demorant a Diion, lesquelx biens ont este presiez et tauxez par Euvrart le Flamenc frepier ayent cognoissance ad ce et par serement le XVI^e jour d’octobre mil IIII^c et ung, presens Nicolas le Rousseaul filz de ladicte feu Geliote, Guiot Saurbenet tixerant^a, Thevenin Grillon tonnellier, sa femme et pluseurs autres

Premerement, en la chambre ou gisoient les diz mariez

21 lit garni de coutre, cussin et une viez coutrepointe^b prisie : II frans demi376 ;

3Item une viez arche de foul estans aux piez dudit lit prisiee III gros, en laquelle sont les biens qui s’ensuiguent, c’est assavoir une viez robe de pers a homme prisiee II gros, II autres viez robes de serge prisiees III gros, 1 poul de chenove prisie VI deniers, 1 viez sac de toille prisie VIII deniers, une pinte quarree d’estain prisiee III gros, une viez couroie de cur ferree et une viez boursse prisiees V deniers, environ une quartroinche de faves, 1 chapel noir, prisiez les faves et chappel V blans ;

4Item une autre arche prisiee VII gros, en laquelle sont les biens qui s’ensuiguent. Premerement une quantite d’euvre de chenove serisie liee en 1 drap, environ^c deux quartroinche de poix. Item eincor une quantite d’euvre cerisee en une chemise. Item une quantite d’euvre de chenove ferretee liee en 1 drapeaul. Item environ une livre de filey gros de chenove. Item 1 chaperon de violet a homme et ung autre de violet a homme, 1 de pers et 1 autre de violet brun a homme, 1 viez godot de futainne, une paire de manches de blan, II tres viez godoz, l’un de pers, l’autre de guamelin reboitiez. Item une robe de mabre brun a femme, la robe prisiee 1 franc377. Item une viez nape de II aulnes, une petite tergeure d’une aulne, 1 viez linceul percie, une braie neufve et autres mescheans^d drapeaux, une futainne a femme senz menches, une viez panne plumee de connis, une couroie de cur et une viez tache vuide, 1 autre petite nape. Item ung poul de lentives en 1 sac, une mescheant coignie. Tout cest article est prisie, excepte l’arche et robe qui sont prisiees a part : XXVI gros XII deniers ; [fol. 1v]

5Une^e 1 bac d’oie de coyvre, ensemble le copot prisie : 1 gros ;

6Item une petite table de sapin, 1 viez barrot prisiez : 1 gros ;

7Item 1 penier de verges ou il a VI henaps de bruere prisie : V gros ;

8Item une touroire^e, une petite^f bourssote ou il a 1 poul de couraul et 1 tournois viez, 1 viez quabaz ou il a des quenoiles d’euvre cerisies prisiez : 1 gros demi ;

9Item une couroie ferree d’arain et d’estain, ensemble une boursse de soie viez qui demeure senz tauxer pour ce que l’en dit qu’elle a la femme Hugues Galote de^g Bretigney ;

10Item une autre petite archote prisiee : II gros.

En la cusine

111 cromasle, 1 petit chauderon, une paulote de fer, une quasse grace, une quassote a queuhe, une bassole, 1 serex prisiez : XI gros ;

12Item 1 petit pot de coyvre noir percier, 1 sofflot, 1 meschant trepier, 1 mourtier de pierre, 1 pestot, une mait a prestir ou il a des faves, une table a IIII piez, une fourme a seoir sus, une viez arche ou il a des potoz de terre ou il a^h 1 poul d’uille et de graisse, 1 penier de bois ou il a des escuelles de bois, III sales a seoir sus, une viez chasiere, 1 poinssenot ou il a du vin aigre, 1 viez matherot de bois, tout cest article prisie : XVI gros demi ;

13Item 1 lit garni de coutre de plume et cussin de queneton, II viez coutrepointes, 1 tres viez couverteur et 1 linceul prisiez : II frans ;

14Item 1 cuveaul ou il a des cendres, une quantite de sarments, une eschielle prisiez : II gros ;

15Item 1 sac ou il a 1 poul de farine, 1 tenot, 1 petit poinsson vuit, 1 petit anthoneur, 1 barrot378 ;

16Item une bassole, 1 autre cromasle, 1 grapin, 1 chandelier de coyvre, une viez dreceure et 1 faucillon prisiez : III gros.

Ou porche

17Item une viez table percie, 1 linceul, une viez paire de chausses blainches a homme, 1 ferrot, une petite fourme, 1 viez poinsson, une corde puiseure, une soille de sapin prisiez : IIII gros ;

18Item une arche ferme quiⁱ est a Perrenete femme Guyot Gillote de Bretigney comme l’en dit, en laquelle il <a> environ^j 1 quartaul de^k blef et 1 poul de lantilles en 1 saichenot lie prisiez senz l’arche : III gros.

Ou celier

191 buffot a IIII piez, II tres mescheans viez poinssons vuiz, 1^l tenot et une viez presse de bois pourie, 1 poul de leurre prisiez : III gros.379 [fol. 2]

20Joffroy Coursson a la garde et clef des diz biens.

21Le demorant des biens, c’est assavoir les III pars d’iceulx contenuz en cest inventoire ont este bailliez et delivrez et par informacion precedente ataichee a ceste a Jehannon Caillaut procureur de madame d’Anthon pour ce que ledit Girart de Renanes estoit son homme de morte main comme il appert par ladicte informacion. Ce fut fait le semadi apres la Saint Symon et Jude mil IIII^c et 1, presens Jehan Bourlee, Guiot Senchenet tixerant, ouquel ont este venduz les diz biens par ledit procureur et Guillaume le Gastoniguet sergent de monseigneur, la femme Thevenin Grillon, Joffroy Coursson sergent et autres. Et la quarte partie d’iceulx fut bailliee a Nicolas Rousseaul alias Colin filz de feu Geliote qui fut femme dudit feu Girard pour ce qu’elle fut mariee a Diion selon la costume local dudit lieu comme l’en est informez, etc. Testes de ce lesdis Joffroy, Guiot Sanchenet, sa femme, Euvrart le frepier et autres.

a. Rayé : pas… - b. Rayé : ensemble le chaalier dudit lit.- c. Rayé : une.- d. Rayé : de II.- e. Sic.- f. Rayé : coutel.- g. de répété deux fois.- h. Rayé : de.- i. Rayé : deme seellee.- j. Rayé : demi.- k. Rayé : froment.- l. Rayé : mescheant.