28. Feu Demoingin Grasbieuf de Damberaing, vigneron Dijon 1397, 21 mai

1Inventoire fait des biens demorez du deceps de feu Demoingin Grasbieuf de Damberaing vigneron demorant a Diion par moy Jehan Prestet clerc jure de la court de la maierie de Diion^a du commandement de monseigneur le maire dudit lieu et a la requeste de^b Monin Morisot bourgois de Diion parant de^c Osannote femme feu ledit Moingin et de Jehan Grasbieuf jaidis frere d’icelli feu Demoingin^a le lundi XXI^e jour^d du mois de may l’an mil CCCIIII^xx et XVII au proufit d’icelle Osannote, Jehan et Droynne enfens d’elle du corps d’icelli feu Demoingin^e et de ceulx a qui il appartient, lesquelx biens ont este prisiez par Euvrart le Flamenc frepier et autres cy apres nommez ayent cognoissance ad ce et par serement en la maniere qui s’ensuit, en la presence des diz Monin, Jehan Grasbieuf, Jehan Domino, Jehan le Bailli vigneron, Jehan Perrot de Diion clerc269

En la chambre ou gisoit ledit feu trespasse

2Ung lit garni de coutre, cussin, une coutrepointe, ung viez coverteur de pers ou il a deux barres roiges prisiez : III frans ;

3Item une arche de chaigne estans aux piez dudit lit prisiee : X gros ;

4Item II chapirons de violet a femme, 1 chapiron de violet a homme, une oppelande soingle de pers, une cote de pers a femme soingle et une panne de dos de connis viez, tout prisie : III frans demi ;

5Item deux chapirons, l’un roige et l’autre de violet, qui sont en gaiges pour XIX blans demi ;

6Item XV linceulx que bons que mauvaiz prisiez : XXV gros270 ;

7Item unes viez curtines de nappes prisiees : V gros ;

8Item IIII viez napes percies prisiees : II gros demi ;

9Item III tergeures viez prisiees : III gros ;

10Item une lanterne viez, 1 lampote de coyvre a IIII cornes, le copot et 1 seelot a pourter aigue benoite prisiez : III gros ; [fol. 1v]

11Item une autre arche de chaigne^f et une autre senz quevecle prisiees : X gros.

Ou chas de ladicte maison

12Trois cuves a metre venoinge, c’est assavoir deux grans^g et une petite, une beslonge, II queuhes vuides, IIII poinssons et deux autres petiz poinssons, tous vuiz, les cuves et beslonge prisiez par Guiot d’Estevaux tonnellier VI frans et les diz queveaulx vuiz X gros ; pour ce : VI frans X gros ;

13Item III mars de bois sur quoy sont emmarchiez les dictes cuves et queveaulx et une forme a seoir sus et une viez eschielle prisiez par ledit Guiot : V solz.

En la chambre haulte devant sus la rue

141 lit garni de coutre, cussin et une viez coutrepointe prisie : XV gros.

Es alees

15II pieces d’enffonceure de cuves prisiees par ledit Guiot : II gros.

En une autre chambre haulte darrieres

16Item 1 quarteron de lates, 1 poul de merrien a fere queveaulx, deux hastes, II rouches a metre moinchetes, tout prisie : III gros. [fol. 2]

En la cusine

171 cromasle^h, 1 trepier, une haste, une grille et 1 ferrot, tout de fer, prisiez : VI gros ;

18Item 1 serex prisie : IIII gros ;

19Itemⁱ II chauderons, une quasse blainche ronde, une coloire, une dreceure, une escramoire, une quasse a queuhe, une quasse grasse, une quassote a fere paxa prisiez : XVI gros ;

20Item 1 pot de coyvre noir et 1 autre petit blanc prisiez : X gros ;

21Item une viez arche de foul, une table a IIII piez, 1 matherot a metre pos, une autre petite archote, une mait prisiez : IX gros ;

22Item une symarre quarree, une pinte ronde, 1 pintat reond, II pintes quarrees, 1 chauvelot reond, 1 plat, XI escuelles d’estain, III petites sauxoires^j, 1 gobelot, 1 chauvelot de mo<r>te matiere a mesure lait prisiez : XXVIII gros ;

23Item 1 mortier de pierre et 1 pestot prisiez : X deniers ;

24Item 1 chandelier de fer, 1 creuseul, une forsses prisiez : X deniers ;

25Item 1 soillot, une bassole et une corde puiseure prisiez : III gros.

En la chambre basse de la maison darrieres

261 ban tournis, II fourmes a seoir sus, une table de sapin et deux paires de traiteaulx prisiez : II florins.

Ou cellier desoubz

27Une queuhe de vin novel prisiee : II frans demi ;

28Item 1 poinsson ou il <a> du vin que l’on despence, une queuhe de despence, 1 tenot a fere buee, une tine, II anthoneurs, II escuelles a roigier^k vin, une ais de chaigne et III mars a emmarchier vin, tout prisie : IX gros. [fol. 2v]

En la chambre haulte dessus ledit celier

291 lart sale prisie : II frans ;

30Item 1 rondeaul, 1 chasiere, une^l huisserie a metre barous, une paire de viez traiteaulx prisiez : III gros. [fol. 3]

Inventoire fait des letres demorees du decez dudit feu trespasse a moy bailliees pour

inventorier par Monin Morisot de Diion^m le XXIII^e jour deⁿ may l’an mil CCC IIII^xx et XVII, presens ledit Monin, Jehan Perrot, Jehan de Talent clerc

31Primo unes letres seellees du seel de la court monseigneur le Duc donnees l’an mil CCC IIII^xx et IX le XV^e jour de decembre receues par Guillemot Girard faisans mencion que Jehan Bugnot de Diion vend perpetuelment a Demoingin de Dambaraing vigneron demorant a Diion et a Sannote sa femme une maison devant et davers assise a Diion en la Rue au Saichot pour le pris de VI^xx frans d’or ;

32Item unes autres letres seellees dudit seel receues par Aubertin de Sauxuretes l’an mil CCC IIII^xx et huit le second jour de novembre, contenans que Hunbelot d’Isier et Jehanna Boinvain de Chenoves son genre vendent perpetuelment a Demoingin de Dambaraing une piece de vigne contenant environ demi journaul assise ou finaige de Diion oultre l’aigue au Ceriserey pour le pris de XXIIII frans d’or ;

33Item unes autres letres seellees dudit seel receues par ledit Aubertin l’an mil CCC IIII^xx et quatorze le XVIII^e de may contenans que Phileberte femme Huot le Trompet fevre vend perpetuelment a Demoingin Grasbieuf de Dambaraing et Osannote sa femme une piece de vigne ainssin comme elle se comporte assise ou finaige de Diion ou Pasquier pour le pris de XXVIII frans d’or.

34Aujourduy la dessus nommee Osanne a este interrogiee par serement par monseigneur le maire se elle avoit ou savoit aucuns autres biens^o quelxconques demorez du decez de son dit feu mary que ceulx cy dessus inventorez, laquelle a jure que non. Cest faite le^p venredi apres Penthecoste l’an mil CCC IIII^xx et XVII. [fol. 3v]

35Tous lesquelx biens ont este laissiez et bailliez en garde a ladicte Osannote mere des diz moindres, laquelle les a promis rendre soubz l’obligacion de ses biens, etc., a ceulx a qui il appartiendra quant temps seroit et requise en soit.

36L’an mil CCCIIII^xx et XVII le lundi apres la conversion Saint Paul a<postre> furent trouvees en l’ostel dudit feu Grasbieuf deux queuhes et 1 poinsson de vin nouvel. Testes : Moingin Grasbieuf, Estienne Perrot et Jehannin Loblier ;

37Item II vaisseaulx de moichotes.

38Le mardi darrenier jour d’avril l’an mil CCC IIII^xx et XVIII, en la presence de Jehan le Bailli vigneron curateur des diz moindres et de Perrin le Gazeret furent inventoriees deux planes de letres a moy bailliees et mostrees par la dessus nomme Osannote

39Unes letres seellees du seel de la court monseigneur le Duc receues par Guienot Demari l’an mil CCC IIII^xx le XXVIII^e jour d’aoust contenans que Jehan dit Grasbieuf de Dambaraing demorant a Diion confesse estre partis et devis de Demoingin^q de Damberaing son frere et le quitte, etc. ;

40Item unes letres seellees dudit seel receues par Aubertin de Sauxurates l’an mil CCC IIII^xx et^r sept le V^e jour de janvier, contenans que Jehan de Burges demorant a Diion baille a laborer pour le terme de XVI ans et pour seze levacions de fruis une piece de vigne contenant III quartiers assise ou finaige de Diion es arbues de Clerevaulx parmi paiant chascun an : V gros. [fol. 4]

Inventoire fait de deux panes de letres appourtees par Henry le Fevre a present mary de ladicte Osannete et par icelle Osannete pour prenre execucion sur l’une d’icelle

41puiz le serement fait par icelle Osannote

42Premierement l’une d’icelles letres faite soubz le seel de la court de Lengres le mercredi apres la Saint Luc euvangeliste l’an mil CCC IIII^xx et quatre contenans que Jehan dit Grasbieuf demorant a Diion doit a Estevenote de Dambaraing sa mere quatre frans d’or ;

43Item unes letres receues soubz ledit seel donnees le semadi apres la Saint Remi l’an mil CCC IIII^xx contenans que Esthevenote femme feu Jehan de Da<m>baraing confesse avoir eu et receu de Moingin de Dambaraing son filz demorant a Diion cent solz tournois. [fol. 4v] [blanc] [fol. 5]

Inventoire fait par moy Jehan Prestet clerc jure de la court de la maierie de Diion de la part et porcion des biens meubles demorez du decez de feu Moingin Grasbieuf de Damberaing jaidis demorant a Diion advenue en partaige a Jehan Droyne et Laurenceote moindres de aige enfens de feu ledit Moingin^s du corps de Osannote feu sa femme en la presence de Jehan le Bailli vigneron curateur des diz moindres, lequel a parti avec ladicte Osannote iceulx biens^t pour et nom des diz moindres, de Henry le Foset alias le Fevre, ladicte Osannote sa femme mere d’iceulx moindres, Perrin le Gazeret et Arnoul filz Humbelot le fournier, tous lesquelx biens avoient ja este prisiez quant l’inventoire fut premierement faite d’iceulx biens, desquelx est advenue la moitie aux diz moindres et l’autre a ladicte Osannote pour ce qu’elle a este mariee avec ledit feu Moingin Grasbieuf selon la costumme du duchie de Bourgoingne le mardi darrenier jour^u d’avril l’an mil CCC IIII^xx et dix huit

Premierement

44Ung lit garni de coutre, cussin, une coutrepointe, 1 viez coverteur de pers ou il a II^v barres roiges ou pris de : III frans ;

45Item une petite arche ferree et une senz quevecle ou pris de : X gros ;

46Item VI linceulx viez ou pris de : VIII gros^w ;

47Item une nappe et III tergeures ou pris de : IIII gros ;

48Item deux cuves, l’une grant, l’autre petite, une^x queuhe et III poinssons vuiz ou pris de : III frans V gros ;

49Item une piece d’anfonceure ou pris de : 1 gros ;

50Item 1 cromasle, 1 trepier, une haste, une grille et 1 ferrot ou pris de : VI gros ;

51Item 1 serex ou pris de : IIII gros ;

52Item 1 pot de coyvre noir grant et 1 petit blanc^y ou pris de : X gros ; [fol. 5v]

53Item une arche de foul et 1 buffot a IIII piez a maingier sur ou pris de : II gros ;

54Item une symarre quarree, 1 plat, IIII escuelles, 1 saussoire d’estain, une pinte ronde, 1 pintard reond, 1 chauvelot et 1 gobelot de morte matiere ou pris de : XIIII gros ;

55Item 1 mourtier de pierre, 1 pestot : X deniers ;

56Item ung soillot, une bassole et une corde puiseure ou pris de : III gros ;

57Item une grant table de sapin encornee, II paires de traiteaulx et une grant fourme a seoir sus ou pris de : X gros ;

58Item 1 queuhe vuide, 1 poinssenot vuit, ung anthoneur reond d’une escuelle roigeoire et II escuelles roigeoires et II mars de bois, 1 grant et 1 petit au pris de : IIII gros demi ;

59Item une petite archote neufve ferree de neuf prisiee : IX gros ;

60Item ladicte Osannote doit aux diz moindres pour menuz biens a li bailliez par ledit curateur^z : XVII gros ;

61Item leur doit pour leur part d’une queuhe de vin : XV gros ;

62Item leur doit pour leur part d’un bascon ou lart : 1 franc ;

63Item est deu aux diz moindres^aa que Jehan Grasbieuf [détérioré] des diz moindres doit a Esthevenote de Dambaraing sa mere comme il appert par letres inventoriees ou premier inventoire : II frans ;

64Item compete aux diz moindres leur part des heritaiges demorez du decez de feu leur dit pere qui encor ne sont partiz et sont inventoriez ou premier inventoire par moy fait : XVII frans III gros.

65Ledit Jehan le Bailli a confessez avoir euz et receuz les biens comprins en cest present inventoire, lesquelx ou la prisie d’iceulx il promet rendre, baillier et delivre aux diz moindres quant ilz seront eaigiez ou a ceulx a qui il appartiend, etc., obligie, etc., et en veult estre contrains par la court de la maierie et par toutes autres, etc. Testes : Perrin le Gazeret, Arnoul filz Humbelot le Fournier, ladicte Osannote et autres, die predicta.

a. Rayé : au proufit.- b. Rayé : Jehan G… - c. Rayé : la.- d. Rayé : de may.- e. d’icelle Osannote corrigé en d’icelli feu Demoingin.- f. Rayé : prisiee.- g. Rayé : et deux p… - h. Rayé : 1 grapin.- i. Rayé : 1.- j. Rayé : tout d’estain.- k. roigier répété deux fois, de manière abrégée roigier, puis développée.- l. Rayé : ais.- m. Rayé : en la.- n. Rayé : mars.- o. Rayé : demerez du decez.- p. Rayé : IIII^e j… - q. Rayé : son frere.- r. Rayé : dix.- s. Rayé : de Grasbieuf de Dambaraing.- t. Rayé : avec.- u. Rayé : de may.- v. Rayé : barres.- w. Ligne suivante, rayé : Item II nappes.- x. Rayé : queh… - y. Rayé : prisiez.- z. Rayé : XVII gros.- aa. Rayé : pour.